Лезги чIалални тарихдал, чи медениятдални адетрал рикI алайбур патал кьилди сайт арадал гъун чи эрзиман тир. Дуьньядин лезгияр агуддай сайт туькIуьрун патал гзаф алахъунар авуна чна.

Эхирни девирдив кьадай, вичикай регьятдиз менфят къачуз жедай цIийи проектдив эгечIна чун. Вичихъ талукь кьетIенвилер авай, хъсандиз чирвилер къачуз жедай и проектди чаз цIийивилерихъ ялдай мумкинвилер гана.

samuronline.com – кьилди онлайн газет я. Чи тарихдикай, медениятдикай, адетрикай, халкьдин сейли ксарикай чирвилер гун патал алахъзава чун. И кар патал чун мажбур ийизвай касни авач. Им чна гуьгьуьллудаказ, чи рикIин тIалабуналди кьилиз акъудзавай кар я. Им лезги халкьдин вилик чи буржи я.

Чи сайтинив мукьувай агат. Адакай хъсандиз менфят къачу.

Ингье са тIалабун ава: менфят къачунвай чешме хьиз чи сайт къалурун рикIелай ракъурмир.

Седакъет Керимова,

проектдин кьил