Азербайжан Республикадин Президент Илгьам Алиева Дуьньядин Азербайжанвийрин Рейсадвилин Югъ ва ЦIийи йисан сувар асасдиз къачуна «Таъминвал тIимил авай хизанриз пулдал са сефер тир куьмек авунин гьакъиндай» серенжемдиз къул чIугунва. Серенжемдив кьадайвал, республикадин таъминвал тIимил авай 76 агъзур хизандин гьар сада 200 манат пул къачуда. И хизанра 335200 инсан яшамиш жезва. Абур паталди 15,3 миллион манат пулдин такьатар чара авунва. 
   Талукь министерстводи малумат гайивал, таъминвал тIимил авай хизанриз пулдалди гузвай куьмекдин кьадар йисалай йисуз пара жезва. Виликай къвезмай йисан эхирда таъминвал тIимил авай хизанрин гьар садаз 300 манат гун фикирда кьунва.