И йикъара Азербайжан Республикадин Президент Илгьам Алиев хъсан патал тир, регьимлувал къалурдай, инсанриз хвешивал бахшдай къарардал атана. Ада вири дуьньядиз сейли тир сиясатчи Гьейдар Алиеван регьбервилик кваз кьабулнавай Конституциядин 30 йис, Ватандин дяведа уфтан хьана гъилик авур ЧIехи Гъалибвилин 5 йис, гьакIни уьлкведин аслу туширвал кьиляй-кьилди чкадиз хтун ва «Конституциядин ва Суверенвилин йис» фикирда кьуна амнистиядин теклиф гана. Алай йисан 19-декабрдиз Милли Межлисди Президентдин амнистиядин проектда эцигнавай месэладиз килигна ва талукь къарар кьабулна.
   Президент Илгьам Алиева кьилиз акъудзавай амнистия Азербайжанди аслу туширвал гъилик авурдалай кьулухъ къарардиз къачунвай виридалайни чIехи амнистия я.Вучиз лагьайтIа ам сифте яз 20 агъзур дустагъдиз талукьарнава. Им акI лагьай чIал я хьи, регьимлувилин актуни 200 агъзур кьван инсанриз хвеши ийида.
   Амнистиядин месэладиз сад лагьай вице-президент, Гьейдар Алиеван Фондунин президент Мегьрибан Алиевадини депутатвал авур йисара къайгъу къалурнай. Адан теклифдалди 4 амнистиядин акт кьабулнай. 
1995-2025-йисара Гьейдар Алиева ва Президент Илгьам Алиева къул чIугур 71 фармандивни серенжемдив кьадайвал, 10 агъзурдалай гзаф дустагъар жазадикай азад авуна. 1996-йисалай инихъ кьабулай 12 амнистиядин къарардикай 130 агъзурдалай гзаф инсанри менфят къачуна.