Къиргъизистандин лезгийрин тlвар-ван авай векилрикай тир Кьасумов Усман Къурбанан хва Кьурагь райондин Штул хуьре дидедиз хьана. Гзаф лезгияр хьиз, амни ватандай депортация авунай. Ингье четинвилери лигимарай ада Къиргъизистандин Гьукуматдин Университетдин тарихдин факультет акьалтlарна 48 йисуз муаллимвиле кlвалахнай. 
   Вич хьиз гъурбатдиз акъатнавай Гелхен хуьряй тир Марал Аббасан рушахъ галаз санал хизан туькlуьрнай. Абурун 8 веледдикай Алини Рустам юристар, Ифрансани Зуьгьре педагогар, Фаизатни Гюльнара экономистар, Зиярат пищевик, Жамият лагьайтlа  кайвани я. 71 йисуз санал уьмуьр гьална рагьметдиз фейи Усман ва Марал Кьасумоврикай къедалди инсанар чlехи гьуьрметдалди рахазва.