100 миллион чара ийида

  • Агьмед Магьмудов, «Лезги газет»
  • 18.02.2023

Докъузпара райондин кьил Мегьамед Шамилованни машгьур меценат, РФ-дин сенатор Сулейман Керимован арада гуьруьш кьиле фена.

Гуьруьшдин вахтунда абуру Докъузпара район яшайишдинни экономикадин жигьетай вилик тухуниз талукь месэлаяр веревирдна, муниципалитетдихъ авай мумкинвилерикай рахана. М.Шамилова С.Керимоваз яшайишдин программаяр кьилиз акъудзавай гьаларикай, район вилик тухунин жигьетдай авай фикиррикай ва кIвалахда гьалтзавай четинвилерикай хабар гана.
Райондин кьилин рахунрихъ яб акалайдалай кьулухъ С.Керимова вич алай вахтунда муниципалитетдин вилик акъвазнавай кар алай месэлаяр гьялун патал 100 миллион манат чара ийиз гьазур тирдакай лагьана.

Садазни сир туш, эхиримжи йисара Сулейман Керимова Дагъустандиз жуьреба-жуьре рекьерай куьмекар гузва, республика яшайишдинни экономикадин жигьетдай вилик финик еке пай кутазва. И сеферда куьмек адан хайи райондивни агакьда.

“Зи стхади чи уьлкве, республика патал ийизвай крарихъ еке метлеб, адаз Дагъустанда ва адалай къецепатани еке гьуьрмет ава, ам Урусатдин, хайи республикадин кьисметдихъ рикI кузвай халис ватанперес яз гьисабзава. Чи райондиз, республикадиз, санлай вири уьлкведиз куьмекар гунай, райондин кьил яз, за тухузвай кIвалахрин пад кьунай Сулейман Абусаидовичаз сагърай лугьузва”, – къейдна М.Шамилова.

Къейд ийин хьи, Сулейман Керимовни райондин кьил Мегьамед Шамилов мукьва-кьилияр я.

Эхиримжи хабарар

ЦIийи станцияр эцигда

  • САМУР
  • 30.01.2025

Азербайжан Республикадин Президент Илгьам Алиева алай йисан 7-январдиз телеканалриз гайи интервьюдин вахтунда Бакудин...

Парк кутада

  • САМУР
  • 30.01.2025

Бакудин Ясамал районда авай Кьилин Паркдин давам яз мад пуд куьчедин патарив цIийи парк кутун къарардиз къачунва. Бак...

Крупнейший на Северном Кавказе

  • Самур
  • 25.09.2024

  В Сулейман-Стальском районе Дагестана открыли крупнейший в СКФО завод полимерных труб «Эксонор». П...