Алай йисан 16-июлдиз 2003-2004 ва 2005-2007-йисара дидедиз хьанвай жегьилрин арада самбодай Азербайжандин Кубок паталди Абшерондин Олимпиядин Спортдин Комплексда кьиле фейи республикадин акъажунра кцIарви спортсменрини иштиракна ва агалкьунар гъилик авуна. Акъажунра Майис Пашаева 2 лагьай, Агьмед Алиполадова 3 лагьай чкаяр кьуна.
Жегьилар акъажунриз гьазурнавайбур спортда чпин гаф лагьанвай тренерар – UNİFİGHT-дай спортдин мастер, пудра Азербайжандин чемпион хьанвай, Европадин чемпионатда 2 лагьай, дуьньядин чемпионатда 3 лагьай чка кьур Фарид Мирзебегов ва пудра Азербайжандин чемпион хьайи, Европадин ва дуьньядин чемпионатра 2 лагьай чкаяр кьур Равид Мирзебегов я.
Алай вахтунда и стхайри самбодин тренерри хьиз КцIарин Олимпиядин Спортдин Комплексда кIвалахзава.
Чи спортсменриз такьатралди куьмек гайиди кцIарви карчи Сабир Ферзалиев, медиадин патай куьмек гайиди «Самур» газет я.
