И мукьвара  чна Бакуда «Лезги чIалан клуб» кардик кутада. Дидед чIалаз икрам авун,  чи ватанэгьлияр агудун патал гьафтеда садра кIватI жеда. Рахада, хъуьреда, санал манийрал илигда, шиирар лугьуда, цIийивилерикай хабар гуда. Чи халкьдин адетар, фольклор, поэзия, макьамар рикIел хкун, чи медениятдин ва руьгьдин алемда кьиле физвай вакъиайрикай веревирдер авун патал ким туькIуьрда чна.

Чи шаирар, чIугварар, алимар, маничиярни макьамчияр  мукьувай чирдай  «Лезги чIалан клуб» виридан рикI алай бубад кIвализ элкъуьрдай ният ава чахъ. Гьавиляй дидед чIалал кьиле фида чи мярекатар. Чайдин суфрадихъ ацукьна верцIи ихтилатрал илигда. Чи кьилин ниятрикай сад дидед чIал кIанарун, чи ватанэгьлийриз лезги чIалал савадлудаказ кхьиз чирун я. Чирун садрани геж туш лагьана рикI алаз эгечIда чун и кардив.

И кар рикIяй ятIа, чав агат! Клубдин сифтегьан кIватIал 8-октябрдиз сятдин 17:00-даз «Азербайжан» нешриятда, «Лезгинка» кьуьлунин мектебда кьиле фида.

Тел.: 055 530 10 05