Алай йисан 26-ноябрдиз «Азербайжан» чапханада «Лезги чIалан клубдин» пуд лагьай мярекат кьиле фена. Мярекат тухузвай «Самур» газетдин кьилин редактор Седакъет Керимовади и гъилера лезги чIалан гьарфарикай ва абуруз талукь гафарикай ихтилатна. Клубдик экечIнавайбуру а гафар дафтардиз кхьейдалай кьулухъ абурун чIалаз талукь суалриз жаваб гайи С.Керимовади гьа са вахтунда лезги баядрикай, абурун метлеблувиликайни чIалан иервиликай марагълу суьгьбетни авуна.
«Лезги чIалан клубдин» иштиракчийри нубатдин мярекат халкьдин манияр санал лугьуналди кьилиз акъудна. Идалай хъсан вуч ава? И гъилера мярекатдик «Сувар» ансамблдин маничи Агьмед Къурбанова руьгь кутуна.
