И йикъара Магьачкъалада вич КцIарай тир, алай вахтунда Волгоградда яшамиш жезвай шаиржурналист Гьилал Аскерован «Нуреддин Шерифов. Девирдин синел» тIвар ганвай ктаб басма хьанва. Лезгийрин милли медениятдин федеральный дережадин автономиядин куьмекдалди «Мавел» чапханади акъуднавай, шаир, журналист, гьукуматдин ва общественный деятель, чIехи ватанперес хьайи Нуреддин Шерифован уьмуьрдизни яратмишунриз талукьарнавай и ктабда авторди кIелдайбурув икьван гагьди малум тушир гзаф делилар агакьарнава. Ина Н.Шерифован са кьадар шиирарни поэмаяр арадиз атунин себебар къалурнава, абурун прототиприкай малуматар, са береда и камалэгьлидихъ галаз санал уьмуьр гьалай инсанрин рикIел хкунар ганва.

Ктабдин кьетIенвилерикай сад ам я хьи, ана Н.Шерифован шиирарни поэмаяр гьатнава, ктаб кьве чIалал – лезги ва урус чIаларал акъатнава. Адан редактор филологиядин илимрин доктор Гьаким Къурбан я.