РикIел аламукьдай мярекат

  • Самур
  • 27.02.2024

Алай йисан 20-февралдиз, Дидед чIалан йикъан вилик, Магьачкъалада, Дагъустандин Гьукуматдин Педуниверситетдин Дагъустандин филологиядин факультетда, ДГУ-да ва ДГПУ-да кIелзавай лезги студентрин арада лезги публицистикадай “Лезги прессадин цӏирер” лишандик кваз конкурс кьиле фена.

Мярекат Алкьвадар Гьасанан тӏварцӏихъ галай меркезди, ФЛНКАди ва “Лезги газетдин” редакцияди тешкилнавай.

Конкурсда ДГУ-дай ва ДГПУ-дай 27 студентди иштиракна. Абуру лезги публицистикадай тестер тамамарна, текстинин гъалатIар къайдадиз хкана ва тайин са темадай куьруь макъала кхьена.

Къейд ийин хьи, и конкурс цIикьвед лагьай гъилера тухвана. Адан кьилин макьсадрикай сад лезги студентрин арадай чпихъ публицистикадин рекьяй алакьунар авайбур винел акъудун ва абур милли редакцийриз кIвалахал желб авун я.

Конкурсдин нетижаяр 27-февралдиз кьуна. 1-чкадиз диплом ва 30 агъзур, 2-чкадиз диплом ва 20 агъзур, 3 – чкадиз (абур пуд я) гьар садаз дипломни 10 агъзур манат пул гана.

Конкурсдилай кьулухъ ДГПУ-да хайи чIалан йикъаз талукьарнавай чIехи мярекатни тешкилнавай. Анал «Лезги газетдин» кьилин редактор Мегьамед Ибрагьимова ДГУдин ва ДГПУ-дин филологиядин факультетра лезги чIал чирзавай 1-курсунин студентриз (6 касдиз) Алкьвадар Гьасанан тIварцIихъ галай меркездин патай махсус стипендия (пуд агъзур манат) ва ФЛНКА-дин векил Садикь Гьасанова ДГУ-динни ДГПУ-дин 2, ва 3-курсара вири вадар аваз кIелзавай 4 лезги студентдив алим Ражидин Гьайдарован тIварцIихъ галай стипендия (5 агъзур манат) вахкана.

Эхиримжи хабарар

Мярекат гурлуз кьиле фена

  • Самур
  • 01.05.2024

   Алай йисан 26-апрелдиз Россиядин Илимрин Академиядин концертдин залда ФЛНКА-дин – лезгийрин 1999-й...

Гуьмбет эцигда

  • Самур
  • 24.04.2024

   Азербайжандин пешекарвилин музыкадин бине кутур Уьзеир Гьажибегова ХХ виш йисан эвелра Сант-Петербургда ...

Дуьньяд крар

  • Самур
  • 24.04.2024

ЗАРБДИЗ ФИДА    Китайди гзаф йигинз фидай поездар паталди цIийи ракьун рекьер тухун къарардиз къачунва. ...