Шеки райондин Орта Зейзид хуьре авай албан килисадихъ къадим тарихар ава. Х-ХII виш йисара эцигнавай и килиса бязи тарихчийри IV-V виш йисариз талукьарзава. Гьар гьикI ятIани, и къадим дараматди дегь чIаварикай хабар гузва.
Гьайиф хьи, албан килиса чикIидай гьалдиз атанва. Мукьвал вахтара виликан тегьердиз хкун тавуртIа, дарамат кьиляй-кьилди чукIун мумкин я. Килиса гуьнгуьна хтун хъувуртIа, хуьруьз гзаф туристарни къведа. Ингье талукь идарайрин кьиле авайбуру и кардикай фагьумзавач. Тарихдин гуьмбет хьиз хуьзвай албан ибадатхана туькIуьр хъийин патал инвестициядин проектрин сиягьдик кутунва лугьузва, амма и кар мус кьилиз акъуддатIа лугьузвач.