Азербайжандин пешекарвилин музыкадин бине кутур Уьзеир Гьажибегова ХХ виш йисан эвелра Сант-Петербургда кIелнай. Са шумуд югъ инлай вилик Азербайжандин экономикадин министр Микаил Жаббаровахъ галаз гуьруьшмиш хьайи вахтунда и месэла рикIел хкай Санкт-Петербургдин губернатор Александр Беглова лагьана: «Исятда чна Азербайжандин тIвар-ван авай композитор Уьзеир Гьажибегован гуьмбет эцигунихъ галаз алакъалу тир крар кьиле тухузва. Гуьмбет 2025-йисан сентябрдин вацра, композитордин 140 йисан юбилейдин вахтунда ачухарда. И кардихъ авсиятда шегьердин Выборг районда гуьмбет эцигдай чка абад ийизва, багъ арадиз гъизва».