Виликай къвезвай Яран суварихъ авсиятда КцIар шегьерда къелемар акIурдай мел кьиле тухвана. Мелек экечIай райондин идарайрин ва карханайрин кIвалахдарри, гьакIни ичтимаиятдин векилри, санлай къачурла, 3500-елай гзаф наратдин ва маса тарарин къелемар цана.
Гьа са вахтунда КцIар-Лацар ва КцIар-Худат шегьрейрин къерехра къелемар цунин крарни кьилиз акъудна. Райондин паркарани мелер авуна. Абур тухуналди кцIарвийри мад гъилера экология хуьнин кардик пай кутуна.
