И йикъара Азербайжан Республикадин Президент Илгьам Алиева «Хиналугъ ва Куьчери рехъ» тIвар алай Гьукуматдин тарихдинни медениятдин ва этнографиядин къурух туькIуьрун патал серенжемдиз къул чIугунва. Къуба, КцIар, Шамахи, Къобустан, Абшерон ва Гьажикъабул районрин чилерай тIуз Къуба райондин Хиналугъ хуьряй Пирсаатдин цин гьамбарханадал кьван физвай 200 километрдин Куьчери рехъ гзаф йисара Ширван ва Къуба регионрин малдарвилин майишатри менфят къачунвай метлеблу рехъ я.
И рекьикай малдарри исятдани менфят къачузва. «Куьчери рекье» тарихдинни медениятдин гзаф къиметлу гуьмбетар дуьшуьш жезва. Абур терг тавуна хуьн патал «Хиналугъ ва Куьчери рехъ» тIвар алай къурух арадал гъун къарардиз къачунвайди я.