13 миллион касди килигна

  • Самур
  • 02.03.2023

2020-йисуз YouTube каналда эцигай «Къайи рагъ» фильмдиз килигайбуру гьахълу яз ам эхиримжи йисарин Азербайжандин виридалайни хъсан экрандин эсеррикай сад яз гьисабзава. Икl тирди килигдайбурун кьадардини субутзава. Сифте яз пуд чlалал тамашачийрин ихтиярда вуганвай и фильмдиз къедалди азербайжан чlалал 7 миллион, урус чlалал 4 миллион, лезги чlалал лагьайтlа, 2 миллион, санлай 13 миллион инсанди килигнава. Лезги халкьдин ацукьун-къарагъуниз, адетриз, адан руьгьдин дуьньядиз талукьарнавай и фильмдин сценарий кхьенвайди ва продюссер тlвар-ван авай къелемэгьли Седакъет Керимова, къурулушдин режиссер Элшен Зейналлы я. Ролар Азербайжандин тlвар-ван авай актерри, гьакlни и рекье сифте камар вегьизвай, чпихъ алакьунар авай жегьилри тамамарзава. Кьилин ролар къугъвазвайбур Иране Керимовади ва Мирсенан Казымлыды я. Фильмдин композитор Седакъет Керимова я.

Аналитикадин рекьемри «Къайи рагъдин» суракьар Азербайжандай яргъариз акъатнавайди, адаз саки дуьньядин вири уьлквейра килигзавайди къалурзава. Гьавиляй и экрандин эсердин лезги вариант ингилис чlалал субтитрар аваз YouTube-да эцигнава.

Эхиримжи хабарар

Мярекат гурлуз кьиле фена

  • Самур
  • 01.05.2024

   Алай йисан 26-апрелдиз Россиядин Илимрин Академиядин концертдин залда ФЛНКА-дин – лезгийрин 1999-й...

Гуьмбет эцигда

  • Самур
  • 24.04.2024

   Азербайжандин пешекарвилин музыкадин бине кутур Уьзеир Гьажибегова ХХ виш йисан эвелра Сант-Петербургда ...

Дуьньяд крар

  • Самур
  • 24.04.2024

ЗАРБДИЗ ФИДА    Китайди гзаф йигинз фидай поездар паталди цIийи ракьун рекьер тухун къарардиз къачунва. ...