Алай йисан 26-апрелдиз Азербайжандин Милли Илимрин Академиядин кьилин илимдин ктабханада чапханайрин кIвалахдаррин I форум кьиле фида. Мярекат чапханайрин кьилерин ассоциацияди, Милли Илимрин Академияди, илимдинни образованидин министерстводи, гьакIни медениятдин министерстводи арадиз гъида. Форумдиз чапханайриз куьмек гуз алакьдай къецепатан уьлквейрин пешекарарни къведа.
Идалай гъейри 27-28-апрелдиз Илимрин Академиядин паркда «КIелдай югъ» тIвар ганвай ктабрин мекера кьиле фида. Ина уьлкведин 40 чапханади басма авунвай ктабар маса гуда. Мекерадин вахтунда 70 кьван зарийрихъ галаз гуьруьшар, презентацияр, автографдин легьзеяр, поэзиядин сятар, концертар тешкилда.
