Bakının “Ekoprint” nəşriyyatında çapdan çıxmış “Ömrün unudulmaz anları” adlı kitabın müəllifi Nəzakət Eminqızı (Kərimovadır). Nəşrə onun hekayələri və məqalələri daxil edilmişdir.

Maarifçi kimi tanınan N.Eminqızı uzun illərdir respublikamızın müxtəlif qəzet və jurnallarında oxunaqlı yazılarla müntəzəm çıxış edir. O, həmçinin işıq üzü görmüş “Gecikmiş çiçəklər” və “Ömrün unudulmaz anları” kitablarının müəllifidir. Onun ədəbi-bədii, publisistik, elmi-metodiki məqalələri maraqla oxunur.

Nəzakət Eminqızı Bakıdakı N.Nərimanovun ev muzeyinin respublikada yeganə olan filialını Xudat şəhərindəki 2 saylı orta məktəbdə yaradıb 40 il ona rəhbərlik etmişdir. Bu müddətdə muzeyin on minlərlə izləyicisi olmuşdur. Gənc nəslin təlim-tərbiyəsində yorulmaz və səmərəli fəaliyyətinə görə Prezident İlham Əliyevin sərəncamı ilə Nəzakət xanım “İlin müəllimi”adına layiq görülmüş, “Tərəqqi” medalı ilə təltif olunmuşdur.

Ədəbi yaradıcılığı sahəsində qazandığı ugurlara görə Nəzakət Eminqızı “Qızıl Qələm”, “İsa Muğanna”, “Ziyadar” mükafatlarına, “Xarı bülbül” medalına layiq görülmüşdür.