И йикъара Дагъустандин Халкьдин Собранидин седри Заур Аскендеров кьиле аваз и республикадин депутатрин кIватIал Бакудиз атана. Абур Урусатдин Азербайжанда авай посолвилин идарада ватанэгьлийрихъ галаз гуьруьшмиш хьана.
«Самур» газетдин редактор Седакъет Керимовадини иштирак авур мярекатдиз атанвайбурув Дагъустандин парламентдин кьил Заур Аскендерова Дагъустандин халкьарин салам агакьарна. Ада лагьайвал, Дагъустан Республикадин депутатри ватанэгьлийриз куьмек гунин ва къунши уьлквейрихъ галаз хъсан рафтар вилер авунин месэлайриз кьетIен фикир гузва.
2021-йисан 25-мартдиз Дагъустандин парламентди къецепата авай ватанэгьлийриз куьмек гунин гьакъиндай кьилди къарар кьабулна ва алай вахтунда гьа къарар асасдиз къачуна кIвалахзава.
