Алай йисан 18-мартдиз Къебеледиз физ кIанзавай инсанрин рикIяй тир вакъиа кьиле фида. Азербайжандин ракьун рекьерин талукь идаради Баку-Къебеле-Баку маршрут кардик кутада. Къебеледиз физ кIанзавай инсанар зарб фидай поездда аваз рекье гьатда. Исятда билетарни маса гузва.
Бакудай Къебеледиз 309 километрдин рехъ ава. Швейцариядай гъанвай кьве гьавадин, 364 чкадин зарб фидай поезд аниз 3 сятни 20 декьикьада агакьда. Поезд гьар кишдин юкъуз сятдин 8-даз Бакудай рекье гьатда, сятдин 12-даз 20 декьикьа кIвалахайла Къебеледиз агакьда. Къебеледай лагьайтIа, поезд гьяддин юкъуз сятдин 19:00-даз акъатда ва сятдин 22:20-даз Бакудин ракьун рекьин вокзалдал жеда. Са патаз фидай билетрин къиметар чкайрин дережадилай аслу яз 14, 31 ва 93 манат я.
