Martın 18-dən etibarən Bakı-Qəbələ-Bakı marşrutu üzrə sürət qatarı fəaliyyətə başlayacaq.
309 km uzunluğunda olan həmin marşrut üzrə İsveçrə istehsalı olan dörd vaqonlu, ikimərtəbəli sürətli sərnişin qatarı hərəkət edəcək. Qatarda standart (294), biznes (61) və birinci sinif (9) olmaqla ümumi 364 yer var.
Qatar hər şənbə günü saat 08:00-da Bakıdan Qəbələyə yola düşərək, saat 11.20-də mənzilbaşına çatacaq. Qəbələ-Bakı marşrutu üzrə isə qatar hər bazar günü saat 19:00-da yola düşəcək və Bakı Dəmiryol Vağzalına saat 22:20-da çatacaq.
Marşrut üzrə bir istiqamətə gediş haqqı standart sinif üçün 14 AZN, biznes sinfi üçün 31 AZN, birinci sinif üçün isə 93 AZN təşkil edir.
