Чи республикада рекьерин къайгъу чIугун, абур гуьнгуьна хтун, агьалияр патал датIана регьятвилер арадиз гъун хъсан адетдиз элкъвенва. Алай йисан 28-декабрдиз Азербайжан Республикадин Президент Илгьам Алиева и рекьяй мад са серенжем кьабулна. А серенжемдив кьадайвал, виликай къвезмай  2024-йисуз КцIар райондин КцIар-Худат (18 к)-Лангу-ЧIакIар къишлах-Урвауба-Атлухан-Кузун къишлах-Зиндан Муругъ къишлах-Аваран къишлах рехъ гуьнгуьна твада. И рекьи 5 агъзур агьалияр яшамиш жезвай 7 хуьр галкIурзава.
Рехъ туькIуьр хъувун патал Азербайжандин Автомобилдин Рекьерин Агентстводиз сифтедай 1,2 миллион манат пулунин такьатар чара ийида. ЦIийи йисан сифте йикъарилай гатIунна рехъ гуьнгуьна хтун патал герек тир техникадин ва кIвалахдай къуватрин къайгъу чIугвада. КIвалах вахтунда ва хъсандиз кьилиз акъудун патал талукь идарайриз ва Азербайжандин Министррин Кабинетдиз тапшуругъар ганва.