Чав рикl шадардай са хабар агакьнава. Алай йисан 2-августдиз чеб Азербайжандин Кхьирагрин Кlватlалдик квай, азербайжан ва лезги чlаларал кхьизвай шиирралди кlелдайбурун гьуьрмет къазанмишнавай къелемэгьлийри – Къебеледай тир вад шаирди «Гаф» тlвар алай эдебиятдин кlватlал туькlуьрнава. Гьелелиг кlватlалдик вад кас: Къериб Гьуьсейнов, Желил Хейирбег, Къошкъар Къарачайлы, Аббас Камарванлы ва Замик Зиядрин экечlнава.

Кlватlалди шаиррин лезги ва азербайжан чlаларал кхьенвай эсеррикай, са чlалай маса чlалаз элкъуьрнавай эсеррикай веревирдер ийирвал я.

Ам арадиз гъанвай шаиррин мурад гележегда Къебеледин, Огъуздин ва Исмаиллыдин кьве чlалал – азербайжан ва лезги чlаларал кхьизвай къелемэгьлияр агудун я. Хайи чlалал рикl алаз туькlуьрнавай кlватlалдин кьил Къериб Гьуьсейнов хкягънава.