1990-cı ilin yanvarın 20-də Bakıda törədilmiş ağır cinayətdən 33 il ötür. Hər il Azərbaycanda və xarici ölkələrdə anım günü geniş qeyd olunur. Həm ölkəmizdə, həm də xarici ölkələrdə xalqımızın tarixinə Qanlı Yanvar faciəsi kimi daxil olmuş 1990-cı ilin 20 yanvar hadisələri həmin gün Azərbaycan xalqına qarşı Sovet imperiyası rəhbərlərinin həyata keçirdiyi hərbi təcavüz, insanlığa qarşı törədilmiş ən ağır cinayətlərdən biri kimi xarakterizə olunur. Həmin gün Sovet qoşununun Bakıda törətdiyi qırğın nəticəsində paytaxtda və respublikanın ayrı-ayrı rayonlarında 147 nəfər qətlə yetirilmiş, 638 nəfər yaralanmış, 841 nəfər həbs edilmişdir. Sovet əsgərləri 200 evi dağıtmış, 80 maşını yararsız hala salmışlar.

Xalqı belə bəlaya düçar etməsinə baxmayaraq, həmin hadisələri törədənlər cəzalandırılmamışdır. Sovet imperiyasının Bakıda törətdiyi faciəni xalq heç vaxt unutmayacaq.