Quba rayonunun ləzgi və qrız kəndləri ərazisində tarixin yeni izləri aşkar olunub. Digah kəndinin qəbiristanlığında torpaq işləri görülərkən yerin altından eni 80 santimetr olan qədim divar üzə çıxıb. Divar çay daşlarından və yandırılmış kərpicdən tikilib. Bundan başqa həmin yerdən qədim qablar və dəyirman daşları da tapılıb. Kənd əhalisinin verdiyi məlumata görə vaxtilə bu ərazidə qədim sikkələr və saxsı qablar da aşkar edilib.

Qrız kəndində də qədim qəbiristanlıq və saxsı qablar tapılıb. Bunlar kənddə 20 şagirdlik modul məktəbin inşası üçün nəzərdə tutulmuş ərazidə aşkar edilib. Arxeoloqlar qəbiristanlığın və qabların XI-XII əsrlərə aid olduğunu güman edirlər.