Qusar rayonunun Cagar kəndinin ərazisində yerləşən istirahət mərkəzindəki kotteclərdən birində yanğın baş vermişdir. FHN-in Dövlət Yanğından Mühafizə qüvvələri alovun ətrafdakı binalara və meşə sahəsinə keçməsinin qarşısını almışlar. Ümumi sahəsi 240 m2 olan ikimərtəbəli taxta bina tamam yanmışdır. Nəticədə 4 nəfər həlak olmuş, 6 nəfər ağır yanıqlar almışlar. İlkin ehtimallara görə yanğına kottecdəki odun sobasından otağa qığılcımların sıçraması səbəb olmuşdur.

Hüquq-mühafizə orqanları hadisə ilə bağlı araşdırmalara başlamışdır.